Site Announcements

Register and Login to Sanjaal Board to get access to exclusive contents including guitar tabs, high quality arts, glamor and photography pictures. New Users will be manually validated against spam database and potential advertisers. So this might cause your account activation to delay from a couple of days to few weeks. If you have Nepali/Indian/Pakistani/Bangladeshi names in your username, the user activation will be quicker. SPAMMERS WILL BE DELETED WITH NO MERCY

Nepali Poem - देवी नेपाल - देशको खोजी

Collection of Nepali Poems

Nepali Poem - देवी नेपाल - देशको खोजी

Postby rabin1202006 » Sun Jun 30, 2013 12:39 am

माटो दुख्छ जहाँ, त्यहाँ जनहरू बन्लान् निरोगी कहाँ ?

छाती फुट्छ जहाँ, त्यहाँ मनहरू हुन्नन् विराधी कहाँ ?

मेरो गौरव खै ! अनन्त रहने पुर्खाहरूको चिनो ?

मेरो पौरख खै ! हजार पहरा फोर्ने हिजोको छिनो ?



मेरा गौतम बुद्ध आज किन हो सर्दै गए दक्षिण ?

मेरो उच्च हिमाल उत्तरतिरै झुक्ला कि झैँ भो किन ?

बस्दै छन् इतिहास भै स्मरणमा सुस्ता र त्यो लुम्बिनी

खस्दै छन् किन हो निराश हुन गै हाम्रा चिनारी पनि ?



आगो लाग्न गयो नि भानुघरमा को पढ्छ रामायण ?

जल्दै छन् अहिले मुनामदनका पाना बिहानै किन ?

टोपी सुन्दर हुन्न माथ सबको भै’गो पराई अब

मानौँ त्यो इतिहास भै सहिदको गाथा बन्यो आखिर ।



दौरा आखिर घाइते हुन गयो माग्दै छ रे राहत

चोलो रुन्छ समीपमा सहिदका आफन्तजस्तै अब

बेपत्ता परिवारझैँ हुन गए यी राष्ट्रका गौरव

पानीको बरु मूल्य भो रगतको खै मोल ! खै आदर !



आफ्नो रूप कता पुग्यो चकित भै खोज्दै छ डाँफे चरी

के भो बन्दुक हातमा लिइहिँडे सोझा परेवा पनि

गाई सिमि्रक घाइते र कुरुवा लाली गुराँसै छ रे !

मर्दै छन् सब राष्ट्रका निधिहरू नेपाल मर्दै छ रे !



मेरो जे पहिचान हो लुटिन गो ढल्दै छ सीमा पनि

मेरो उच्च विचारको धरहरा गल्दै छ नौनी बनी

मेरो सुन्दर भेष छैन सँगमा भाषा कला बाँडिए

मेरो सुन्दर देश छैन मनमा पाखा, गुफा टाडिए ।



भाषा, भेष र सभ्यता सब थिए माटो थियो सुन्दर

मेरो देश रुँदै छ आज किन हो भत्केर त्यो मन्दिर !

आफ्नो रूप हराउँदा भन तिमी विश्वास लिन्छौ कहाँ ?

मेटाई पहिचान आज मनको नेपाल चिन्छौ कहाँ ?
rabin1202006
 
Posts: 566
Joined: Sun Feb 05, 2012 9:05 am
Location: New Baneshwor Kathmandu Nepal


Similar topics


Return to Nepali Poems

Who is online

Users browsing this forum: No registered users and 1 guest

cron